Ari

УИХ-ын сонгуулийн 24 дүгээр тойргийн хорооноос16.30 цагийн орчимд сэтгүүлчдэд мэдээлэл хийж, тус тойрогт МАХН-аас нэр дэвшин нийт сонгогчдын 60,37 хувийн санал авч, ялалт байгуулсан Эрдэс, баялаг эрчим хүчний сайд Д.Зоригтод УИХ-ын гишүүний түр үнэмлэхийг нь гардуулан өглөө.

Тойргийн хорооны дарга Ү.Ганболдын мэдээлснээр 44563 сонгогчоос 26592 сонгогч МАХН-аас нэр дэвшсэн Д.Зоригтод, 16037 нь Ардчилсан намаас нэр дэвшигч Р.Бурмаад, 2010 нь бие даан нэр дэвшигч Г.Уянгад, С.Жавхланд 1690, Г.Арсланд 300, Ш.Төмөрсүхэд 124, Л.Жаргалсайханд 114, Чингис хаан академиас нэр дэвшсэн Д.Төмөрбаатарт 150 сонгогч тус бүр итгэл үзүүлсэн гэсэн мэдээллийг өглөө. Дэлгэрэнгүй мэдээллийг тун удахгүй хүргэх болно.

Г.Дарь (news.mn)